مش لازم عنوان

الديك متأخر ع الصحيان واقف وبينده فجر بعييييييييد ..

إكمن الفجرية دي ما فــوَّقــتوش ..

((نايم متأخر ..بأمارة إيه هتقوم بدري ؟))

والعصافير ، بتزقزق ..تخيل !

آه والله !

بس الملل مصاحب زقزقاتها اللي -زمان- كانت بريئة ..

والشمس بتطلع قرفانة من وش الخلق ..

والخلق بتطلع سقمانة من طعم الغُلب ..

والوحدة براااااااااااااااااااااح ..ضيق جدا ..

هِووووووووْ..

ولا لاقي لضلك ضل ..ولا لاقي لصورتك ضي ..

وأكيد صوتك مالهوش صدى ..

بقوللك : هِووووووْ..

والدنيا بتصحى ..وانت بتستغرب ..

بدهشة جت بعد أوانها بييجي عشرين ..تلاتين مليون شهر ..

وكأن السما بتنافقك ..لاجل ما تصحى ..

وسحاب السما بيحاول يبقى جميل ..

بيحاول ..

وانت بتتنهد ع الفاضي ..من غير تسبيل !

ونهار بيجر نهار ..

وصخب بيجر هزار

وهزار بيجر مواجع أول ما بتيجي ..ما بتبقْيش ..

ولا ضحكة .. ولا حِتةْ فتحةْ في صدر الواد ..

والعك ده كله مالوش تفسير غير إنك :

1- ضايع ..

2- تايه ..

3- وحدك ..

4- في الهوِوووووووْ

نص حالة

نص حالة ..

لازم تتسمع ..

الأغنية دي حالة فذة ..

عودة قوية لصمت أصالة ، اختيار جيد جدا للكلمات ..

وغالبا بترشيح من زوجها طارق العريان ، للموسيقي المتميز جدا : هشام نزيه ..

مؤلف الساوند تراك لأغلب أفلامه ، مثل : تيتو والسلم والتعبان ..

لحنه وتوزيعه..

الوتريات والطبول والبيانو ..

تناغم بين الشجن والصخب والرقة ..

مقدمة الجيتار التي تميز بها ، مثل أغنية الحكاية لــ"واما" في فيلم "تيتو" ..

اللازمة الموسيقية بصولو الفيولين ، مع تسليم للدفوف..

تحية حقيقية .

بجد..

"زي ما يكون اللي بينا شيء غريب ..

لعنة الحب اللي بتذل الحبيب ..

واللي بينّا ..

نُص حاله ."