Wednesday, July 1, 2009

إحساس جديد قديم


لكم أكره هؤلاء الذين يعرفون - بالضبط- ماذا يريدون مني


Thursday, June 18, 2009

for old days' sake

عارف انك مش زي أي حد .. بهديكي الأغنية دي ..عشان الفجوة اللي الكوبري بتاعنا ... عشان أعمدة الإنارة المطفية ..

ساعات كتير

سنين فاتت عليا وقلبي على حاله

لا انا بانسى ولا قادرة إني أصفى له

بحبه لكني شايله في قلبي منه كتير

...

ونفسي أقول له ، اني لحبه محتاجه

وفيه حاجز بيمنعني ومية حاجة

عشان ده جرحني في غرامه وجرحه كبير

...

وساعات كتير باحتاج للمسة من إيديه

واحتاج لحضنه ونظرة واحدة من عينيه

وانا رغم ده بارجع واقول مش راجعة ليه

علشان باخاف ضعفي يبان ويحس بيه

مقدرش أتحمل في يوم أصعب عليه

أنا عندي أموت ولا إني أعيش اللحظة دي

....

يجيبوا في سيرته وقلبي يحن جوايا

وبحلم يبقى فيه للبعد ده نهاية

لامني نسيته ولا مني بعيش ويّاه

...

لا يمُكن غيره يسكن جوه أحضاني

بموت م الشوق وعزة نفسي مانعاني

أروح له وأقول له ان انا لسه باستنّاه

Saturday, April 4, 2009

كيف يكتبون قصائد الرثاء ؟

كيف يكتبون قصائد الرثاء ؟


Thursday, March 26, 2009

Part-time Lover

بقالي كتير ما كتبتش ..أزمان .

ذكرى يوم مولدي ...جملة فخمة جدا .

مصدّع ..جوع متواصل وشغل زيه .

إهمال مزمن .

Part-time lover

Full time human

I admit

أنا إنسان ... بكل ما تحمله هذه الكلمة من صفات مشينة وباعثة على التيه .

مؤخرا ، قريب يعني ..لاقيت لي هدف من جديد ..

بعد ما عديت على فترة في منتهى الضياع ..

اشتغلت ..تقريبا بدأت كارير .

لسه مصدع .

بطلت أقرا برضو بقالي فترة ..

مش ببطل تفكير ...وبابعد دايما عن الطرق اللي بتودي لإجابات ..

باشمئز من الأسئلة الكبيرة المتكررة .

ايه هدفك في الحياة ؟ انت عايش ليه ؟ ايه رسالتك ؟ بتكتب ليه ؟

Yuk

So yuk

شكرا لكل اللي ....

وشكرا جدا ليكي..و عليكي- لربنا - يا كرياتيد .

بذلتي مجهود رهيب في انتشالي من المنطقة الشبحية ..

وها أنا ذا أنثرها على رؤوس الأشهاد ..

أنا عايش عشان بحبك .

Friday, February 20, 2009

Sunday, January 25, 2009

امبارح جدا

من أول ما عرفتك وأنا خايفة..خفت احبك ..ولما حصل خفت تنساني..لما بتقرب بخاف تبعد ولما بتبعد بخاف مترجعش ..كل لحظة في حياتي معاك كنت خايفة من اللي بعدها..كل حاجة بعملها وأنا بفكر هاتعجبك ولا لأ ..ولو غلطت بخاف تعرف وبقعد افكر هاتقول ايه لو عرفت..هايخيب ظنك فيا..هاتلومني..هاتخاصمني ولا هاتطبطب عليا..